Жер бетінде жан-жануарлардың екі миллионнан астам түрі бар. Олардың ішінде ең ежелгі дәуірде пайда болған біржасушалылардан бастап қазіргі таңда ғаламшарымыздағы алып тіршілік иесі саналатын көк китке дейін бар. Үш жүзден астам әсерлі суреттермен көркемделген бұл энциклопедияда жануарлар әлемі туралы қызықты мәліметтер берілген. Кітап «Жануарлар туралы», «Жан-жануарлардың күнделікті тіршілігі» және «Тіршілік ету ортасы» деп аталатын үш бөлімнен тұрады. Жануарлардың тіршілік етуге бейімделу кезіндегі өзгерістері, сондай-ақ тропиктік аймақтарды, далалар мен джунглилерді мекен ететін аң-құстардың сан алуандығы, түр-тұрпатының ерекшелігі туралы ақпараттар қамтылған. Қысқаша сипаттамалар, қызықты мәліметтер мен сұрақтар топтамасы жас табиғат зерттеушілерінің өздігінен білімін арттыруға ынтасын оятып қана қоймай, қоршаған орта туралы маңызды мағлұматтар алуына көмекші құрал бола алады.
