Танымал француз тарихшылары Ш.-В. Ланглуа және Ш. Сеньобостың 1898 жылы шыққан «Тарихты зерттеуге кіріспе» атты кітабы – қазіргі күннің өзінде тарихты зерттеудің методологиясы бойынша ең бір күшті құрал. Авторлар қызықты әрі айшықты тілмен жазылған осы еңбекті тек арнайы мамандар үшін ғана емес, сонымен қатар тарихқа қызығушылығы бар қауым мен тарихтың қалай жазылатынын және тарихшыларға қаншалықты сенуге болатынына көз жеткізгісі келетін көпшілікке арнаған. Бұл кітап бүгінгі таңда да Франция, Ұлыбритания, АҚШ және басқа да көптеген мемлекеттерде қайта жарыққа шығуда. Біздің мемлекетімізде бұл еңбек алғаш рет жарыққа шығуда, аталған еңбек тіпті мамандар үшін де, көпшілік қауымды сөз етпегенде, қолжетімсіз болды. Біз аталған кіріспе мақаламен қоса, Отан тарихының екі тілді маманы, аудармашының тарапынан алғы сөзді және түсініктемені қоса беріп отырмыз. Аталған еңбек қазақ тарихын зерттеудегі олқылықтардың орнын толтыруға өз үлесін қосады деген сенімдеміз.