Сен анаң емессің

Біз бала кезімізде көргенімізді қайталаймыз ба, әлде оны өзгерте аламыз ба? Баламызға көрсеткен қаталдығымыз — бүгінгі аналық болмысымыз ба, әлде ішіміздегі жаралы баланың жанайқайы ма?
«Сен анаң емессің» — аналық, балалық және ішкі жаралар туралы шынайы жазылған кітап. Автор бұл еңбегінде «жақсы ана болу» ұғымын қайта қарастырып, оқырманды ішіндегі баламен бетпе-бет жолықтырады. Өйткені біз баламызды емес, көбіне өз балалығымызды тәрбиелейміз.
Кітапта ішкі бала ұғымы, ана мен бала арасындағы байланыс, балалық шақта көрмеген мейірім-шапағаттың ересек өмірдегі салдары психологиялық тұрғыда, жеңіл тілмен берілген. Әр тарау — оқырманға айна. Кейде жылатып, кейде жұбатып, ақыр соңында үміт сыйлайды.
Бұл кітап — өзін қатал, сабырсыз анамын деп кінәлайтындарға; баласына ашуланғанда, «неге бұлай болдым?» деп іштен күйінетіндерге; ана мен бала қарым-қатынасында қайталанатын ауыр сценарийлерден шаршағандарға; өз анасымен байланысын түсінгісі келетіндерге арналған.
«Сен анаң емессің» — ананы кінәлау немесе өткенді айыптау емес, ішкі баланы құшақтау арқылы қазіргі өміріңді өзгертуге арналған кітап.