Мыстангер. Тағдыр семсері

Танымал поляк жазушысы Анжей Сапковскийдің бірнеше хикаядан тұратын «Мыстангер» циклдік шығармалар жинағының «Тағдыр семсері» деп аталатын екінші кітабы да оқырманды шым-шытырық қиял әлеміне жетелейді. Шығарма мыстангердің қанқұйлы мақұлықтармен толассыз шайқасын ғана баяндамайды, тағдыр мен таңдау, махаббат пен құрбандық, адам мен жаратылыс арасындағы күрделі байланыстар жайлы сөз болады.
Түрлі сынақтарды еңсерген бас кейіпкер ривиялық Герәлт ерік пен еркіндіктің шегін, адамның болмысын айқындайтын шешімдер қабылдайды. Оның жолында сиқыршылар да, қауіпті құбыжықтар да, адал достар мен сатқындар да кездеседі. Бірақ бәрінен маңыздысы — оған тағдыр сыйлаған күтпеген кездесу. Бұл кездесу болашақта бүкіл әлемнің тағдырын айқындайтын, мыстангер өмірінің мәніне айналатын байланысқа ұласады.
«Тағдыр семсері» фэнтези әлеміндегі шытырман оқиғалар ғана емес, сонымен қатар тағдырға сену, жүрек қалауына құлақ асудың мәні жайлы ойландырады.