Көркем мәтіндегі актанттық модель

Мәтін құрылымын таныту бағытындағы зерттеулер — бүгінгі әдебиеттанудың өзекті мәселесінің бірі. Бұл еңбекте фольклор мен көркем әдебиет үлгілерінің нарративті құрылымындағы актанттық модельдер талданған. Семиотикалық деңгейдің негізгі бірлігі ретіндегі актанттың қызметі көрсетіліп, тартыс өзегіндегі бинарлық оппозицияның актанттық модельдерді танытудағы мәні жүйеленеді. Мәтіндегі мағыналық қатынастар жүйесін танытатын актанттық модельдердің күрделі құрылымдық позиция екендігі «Ер Төстік» ертегісінің мәтіні негізінде, сондай-ақ осы ертегінің сюжеттері мен кейіпкерлерін арқау еткен қазіргі әдеби туындылар мәтіндерімен сабақтастырыла зерделенеді. Актанттық синкретизмді таныту «қосарлы бейне» — «альтер эго» ұғымы арқылы түсіндіріліп, көркем жазба әдебиет мәтіндерін талдау негізінде дәйектелді.
Кітап филологтерге, әдебиеттанушыларға, жас зерттеушілерге арналған.