Қарғалардың қанша жыл өмір сүретінін білесің бе? Бәлкім, жүз, екі жүз, әлде одан да көп өмір сүретін шығар. Осы қарғалардың генін адам ағзасына енгізіп, олардың жасын ұзартпақ болғандар бар ма екен?
Бәрін басынан бастайық, басты кейіпкер Илай қарғаларды жылтыраққа қызығатын жай құстардың бірі деп есептейтін. Алайда кейінірек анасы оны шалғай ауылда тұратын нағашы әпкесіне жібермек болғанда, Илайдың құстар туралы ойы өзгере бастайды.
Ауылға баруға қасарысқанымен, Фуат атты баламен достасып, бұрын мүлде көрмеген әпкесімен жақынырақ танысудың сәті түседі. Қарға мен адамдарға тәжірибе жасап, генетикалық зерттеулер жүргізіп жатқандарға қарсы шыққан үшеуі адамзат пен табиғатты қорғап қалмақ болады.
«Сыр жасырған тұман» — шытырман оқиғаға толы әрі заманымыздың көзі ашық, білімқұмар жасөспірімдерін еріксіз қызықтыратын шығарма.