Секундтар арасындағы шексіздік

Бұл жинаққа енген новеллалар, әңгімелер мен хикаяттар — бүгінгі қоғамның жанды тамырын дөп басқан көркем туындылар. Автор адам тағдырын, қоғамдағы күрделі мәселелерді терең психологиялық иірімдер арқылы шебер бейнелейді.
Кітапта аутизммен туған балалардың тағдыры, оларды қоғамның жатсынуы, тіпті әке мейірімінен қағылуы, құмар ойынның құрсауына түскен жандардың күйреуі, бір перзентке зар болған ананың мұңы, теріс ағымның жетегінде кетіп, жат жерде құрбан болған жастардың қасіреті кеңінен көрініс табады.
Замана шындығын көркем тілмен өрнектеген шығармалар оқырманды терең ойға жетелеп, қоғамдағы рухани құндылықтарды қайта бағамдауға шақырады.